ನ್ಯೂಜ್ ಡೆಸ್ಕ್: ದೇಶಕ್ಕೆ ಸ್ವಾತಂತ್ರ್ಯ ಬಂದು 77ವರ್ಷ ಕಳೆದರೂ ಈ ಗ್ರಾಮದಲ್ಲಿ ಹತ್ತನೇ ತರಗತಿ ಪಾಸಾದವರು ಇರಲಿಲ್ಲ ಇದೆ ಮೊದಲ ಬಾರಿಗೆ ಗ್ರಾಮದ ಬಾಲಕನೊರ್ವ ಹತ್ತನೇ ತರಗತಿ ಪಾಸಾಗುವ ಮೂಲಕ ಗ್ರಾಮದಲ್ಲಿ ದಾಖಲೆಯನ್ನು ನಿರ್ಮಿಸಿದ್ದಾನೆ. ಇತ್ತೀಚೆಗೆ ಬಂದಂತ ಹತ್ತನೇ ತರಗತಿಯ ಫಲಿತಾಂಶಗಳಲ್ಲಿ, ರಾಮ್ ಕೆ ವಾಲ್ ಎಂಬ ಹುಡುಗ 600 ಅಂಕಗಳಿಗೆ 322 ಅಂಕ ಗಳಿಸಿ ಹತ್ತನೇ ತರಗತಿ ಪಾಸಾಗಿದ್ದಾನೆ.|ಇದು ನಡೆದಿರುವುದು ಉತ್ತರ ಪ್ರದೇಶದ ರಾಜಧಾನಿ ಲಕ್ನೋ ನಗರಕ್ಕೆ ಸುಮಾರು 50 ಕಿ.ಮೀ ದೂರದಲ್ಲಿರುವ ನಿಜಾಂಪುರ್ ಗ್ರಾಮದಲ್ಲಿ. ಸುಮಾರು 200 ಮನೆಗಳುಳ್ಳ ಗ್ರಾಮದಲ್ಲಿ ಕೃಷಿ ಕಾರ್ಮಿಕನಾದ ಜಗದೀಶ್ ಹಾಗು ಅದೇ ಗ್ರಾಮದಲ್ಲಿ ಪ್ರಾಥಮಿಕ ಶಾಲೆಯಲ್ಲಿ ಅಡುಗೆ ಕೆಲಸ ಮಾಡುವ ಪುಷ್ಪಾ ದೇವಿ ದಂಪತಿ ಮಗನಾದ ರಾಮ್ ಕೆ ವಾಲ್ ಗ್ರಾಮದಲ್ಲಿ ಯಾರು ಪಾಸಾಗದ ಹತ್ತನೇ ತರಗತಿಯನ್ನು ಉತ್ತೀರ್ಣನಾಗಿ ಸಾಧನೆ ಮಾಡಿದ್ದಾನೆ.ಇವನ ಸಾಧನೆಯನ್ನು ಗಮನಿಸಿ ಸ್ಥಳೀಯ ಸರ್ಕಾರಿ ಆಡಳಿತದ ಅಧಿಕಾರಿಗಳು ಗೌರವಿಸಿದ್ದಾರೆ.
ಸ್ವಾತಂತ್ರ್ಯ ನಂತರ 10ನೇ ತರಗತಿ ಪಾಸ್ ಆದ ಗ್ರಾಮದ ಮೊದಲ ಯುವಕ!
